Tata Krama Dhiskusi

Tata krama diskusi

"Diskusi" bisa ditegesi "perundingan", tukar pikiran, ngrembuk sawijining bab/ masalah. Mula saka iku menawa diskusi ditindakake luwih saka sawong utawa saPeserta didik. "Diskusi" bisa nglatih watak sosial kang apik, tuladhane bisa biantu kancane kang kangelan mangerteni wulangan kang durung dimangerteni/dipahami, bisa nglatih ngajeni panemuning wong liya, bisa nglatih kekendelan ngetokake/ngandharake panemune dhewe marang wong liya kanthi tanggung jawab lire bisa menehi alasan kena apa bisa duwe panemu kaya kang diomongke, bisa ngurangi rasa"individualisme" utawa "egois" kang tundhone bisa gotong royong kanggo nemokake dalan utawa dudutan saka sawijining bab/masalah.

Tatakramane kurang luwih yaiku:

1.   Migunakake basa kang becik yaiku migunakake unggah-ungguh basa

2.   Anggone ngandharake panemu aja gawe lara atine wong liya

3.   Kudu bisa menehi dhasar/alasan kang tinemu nalar

4.   Swara lan pangucape cetha lan gampang ditampa dening wong liya

5.   Polatan lan patrape migunakake tata karma

6.   Bisa menehi kalodhangan wektu kanggo wong liya ngandharake gagasane

7.   Kudu tetep ngajeni panemune wong liya sanajan ora setuju

8.   Keputusan/hasil dijupuk minangka keputusan kelompok

Cakrik cerpen (unsur-unsur intrinsik) antarane:

1.      Tema

Tema yaiku inti utawa ide pokok crita. Tema minangka pathokan pengarang kang dhisik dhewe anggone nyritakake critane.

2.      Alur

Alur yaiku pola kanggo ngrembakake crita kang mujudake hubungan sebab-akibat. Alur kaperang

antarane:

a.   Pengenalan kahanan crita

b.   Nyritakake kahanan sawijining kedadean

c.   Anane konflik

d.   Pucuking konflik

e.   Ngrampungake konflik

3.      Latar

Latar/setting yaiku papan, wektu lan swasana kedadean tumindake paraga utawa kedadean kang dialami paraga.

4.      Tokoh/paraga

Penokohan yaiku cara pengarang anggone nggambarake lan ngrembakakake karakter paraga ana ing crita.

5.      Sudut Pandang

Sudut pandang (point of view) yaiku posisi pengarang anggone nyritakake sawijining crita. Pengarang anggone nyritakake crita bisa dileksanakake kanthi:

i.    Minangka wong kapisan utawa

ii.   Bisa minangka wong katelu kang minangka wong kang nyetitekake crita.

6.      Amanat

Amanat minangka ajaran moral utawa peen kang bakal dicritakak panulis marang para maos kanthi liwat karyane.

7.      Gaya bahasa

Gaya bahasa gunane kanggo nuwuhake swasana kang mligi sing bisa ngatonake sawijininn gegayutan lan sesambungan antarane para paraga. Basa lan gaya bahasa bisa uga digunakake pengarang kanggo tandha pengarang niteni karakter paraga.